|
EUSKARAZKO
KOMUNIKAZIO TALDEA, SA
Akziodunen Ohiko Batzar Nagusirako
Deialdia
Egun indarrean dagoen legeari eta estatutuetako araudiari jarraiki, Administrazio Kontseiluak, aho batez, sozietatearen Akziodunen Ohiko Batzar Nagusira deitzea erabaki du, Andoainen egingo dena, MARTIN UGALDE KULTUR PARKEAN,
Gudarien etorbidean, 2008ko ekainaren 20an, goizeko 09:00etan, lehen deialdian, edo 2008KO EKAINAREN 21EAN, GOIZEKO 10:00ETAN, bigarren deialdian, ondoren zehazten diren gaiak aztertu eta dagozkion erabakiak hartzeko.
GAI ZERRENDA
1.-
Urteko kontuak (Balantzea, Irabazi eta Galeren Kontua eta Memoria), Kudeaketa informea eta Administrazio Kontseiluaren kudeaketaren azterketa eta onarpena, hala badagokio, eta emaitzaren gaineko proposamena. Hau guztia 2007ko abenduaren 31n itxitako ekitaldiari dagokio
.
2.-
Sozietateak parte hartzen duen enpresen egoerari buruzko informazioa.
3.-
2008rako kudeaketa planaren eta aurrekontuen aurkezpena.
4.-
Kontseilarien kargugabetze, hautatze eta izendatzea.
5.-
Galde-eskeak. Hainbat gai.
6.-
Ahala ematea Administrazio Kontseiluko Lehendakariari eta Idazkariari, bietako batek Akziodunen Batzar Nagusi honek hartutako erabakiak publiko egin ditzan.
7.-
Batzarraren aktaren idazketa, irakurketa eta onarpena, hala badagokio. Edo, horretarako ikuskatzaileak izendatzea.
Deialdi hau egiten den unetik, Batzarrean onartzeko aurkeztuko diren agiriak eta behar diren informeak akziodunen eskura daude egoitza sozialean. Akziodunen eskura dago sozietatearen web orrian (www.ektsa.net), besteak beste, deialdiaren testu osoa.
Edozein informazio osagarri eskuratzeko edo Batzarrean eztabaidatzeko gaiei buruzko argibideak jasotzeko, akziodunek Akziodunaren Arreta Zerbitzura jo dezakete, Andoaingo Martin Ugalde Kultur Parkera agertuz, 943304345 telefonora dei eginez, edo posta elektronikoa erabiliz akziodunak@ektsa.net helbidera idatziz.
Akziodunaren Arreta Zerbitzuaren harrera ordutegia hau da: astelehenetik ostiralera, goizeko 09:30etik 13:30era eta arratsaldeko 16:30etik 19:30era.
Andoainen, 2008ko apirilaren 11a.
– Administrazio Kontseiluko Idazkaria, Joanmari Larrarte Telletxea–
|
